Qırımtatar teatri Örenburg şeerine “Jenitba” spektaklini alıp ketti

Qırımtatar teatri Örenburg şeerine gastrollerge yol aldı. Yerli seyircilerge qırımlı yıldızlar öz belli “milliy” spektakllerinden birini degil de, Gogolniñ “Jenitba”sını köstereler. Bunnen birge kimer levhalar qırımtatar üslübinde icra etilecek. Truppa Örenburg şeerine “Bölşiye gastroli” adlı federal programma çerçivesinde yol aldı. “Jenitba” endi üç kere kösterildi. Bu aqta yerli ProOren.ru neşiri yaza.

“Bizim teatrimizniñ repertuarı arasında türkiy tillerge ait müelliflerniñ pyesaları çoq, amma bunnen beraber – dünya dramaturgiyası da bar. Bizde em Şekspir bar, em Çehov, em Gogol. Biz çeşit şeylerni icra etemiz”, — dep, añlattı eser seçilüvini Refat Seit-Ablayev, akter ve teatrde edebiy-drama bölüginiñ müdiri.

“Biz seyircige büyük sevgi ve ürmet ile çalışamız. Rus ve qırımtatar tillerde icra etemiz – bu müim degil. Er bir spektaklni biz büyük ğayret ile yaratamız. Men ümüt etem ki, seyirciler bunı körerler ve sezerler”, — dep, paylaştı jurnalistler ile Qırımtatar teatriniñ müdiri Mecide Melgaziyeva.

Bir qaç levha qırımtatar tilinde taqdim etilüvi ile eksperimentke Örenburgta qıymet kestiler. Bu şeer türk tillerde icat etken mütehassıs teatral areketiniñ vatanı sayıla. Örenburgta yaşağan zenaatdaşlarnen tecribe ile paylaşuv neticesinde teatrler arasında beraber milliy leyhalar yaratmaq ğayesi peyda oldı.

Bir cevap yazın

E-posta hesabınız yayımlanmayacak. Gerekli alanlar * ile işaretlenmişlerdir